A.A. Gill, drejt gjyqit për racizëm - Shqip

A.A. Gill, drejt gjyqit për racizëm - Shqip

4 gusht 2006

NGA HENRY ANDREAE

"Sunday Times" përballet me rrezikun e nje veprimi ligjor për nxitje të
urrejtjes racore, pas cilësimit të shqiptarëve si “të shkurtër dhe fytyrë
qelbës” në një shkrim të A.A Gill. Shkrimi i titulluar “Toka e harruar nga
koha” është botuar në revistën "The Sunday Times” me 23 korrik dhe jep detaje të vizitës së Gill në shtetin ballkanik. Autori e përshkruan vendin si “Rurutani banditësh dhe hakmarrësish” dhe njërëzit e tij si “të shkurtër dhe fytyrëqelbur me një trupngjeshje prej uniseksi e këmbë lehtësisht të harkuara, të ngjashëm me këmbët e kuajve të
Shetlandit”. Gill e përshruan gjuhen shqipe si të përshtatshme për kode “kriminelësh”,  duke shtuar: “Ka 4 milionë shqiptarë …tre prej të cilëve jetojnë në vendin e tyre, ndersa pjesa e mbetur punojnë jashtë, më së shumti në të zezë. Artikulli i ka inatosur shqiptarët kudo që ndodhen dhe është komentuar nga të gjitha mediat shqiptare. 

Në Britaninë e Madhe “MJAFT!”, një organizatë që synon promovimin e nje imazhi pozitiv të Shqipërisë në botë, po konsultohet me avokatë të cilët po marrin në konsideratë nisjen e një beteje ligjore me “Sunday Times”. Drejtori i degës londineze të organizatës , Ralf Gjoni”, tha: “Ne nuk na shqetëson kritika ndaj Shqipërisë, pasi ne jemi të parët që kritikojmë veten. Por këtu bëhet fjalë për racizëm të pastër, që nxit urrejtjen racore ne Angli. Artikulli I A.A Jill dhe gjuha e përdorur në të, inspiron urrejtje dhe paragjykim ne publikun britanik  dhe mes bisnesmeneve që marrin ne konsideratë investimet në Shqipëri. Ai dëmton imazhin e Shqipërisë dhe marrëdhëniet tregtare, por, mbi të gjitha nxit urrejtjen racore ndaj shqipëtarëve ne Mbretërinë e Bashkuar.

Në një letër drejtuar “Sunday Times”, ambasadori shqiptarë në Angli, Kastriot Robo, e përshkruan artikullin si “jorealist, negativ, të ashpër, rasist, antishqiptar, denigrues dhe ofendues ndaj shqiptarëve, kombit dhe vete shtetit, duke shtuar se shkrimi është i denjë për një tabloid.
Në vijim të kriticizmit të ashpër të Gill, “Sunday Times”, nje javë më
parë publikoi tre letra, të cilat e kundërshtojnë shkrimin përfshi edhe
nje version të reduktuar të ambasadorit. Botuesi i revistës, Robin Morgan, i doli në mbështetje artikullit të gazetës së tij. Ai u shpreh në ‘Press Gazzet”: ”Ka pasur gjithnjë reagime për shkrimet e Gillit, qofshin këto për Uellsin, Anglinë apo Gjermaninë. Mendoj se njerëzit lexojnë shkrimet e Gill qoftë edhe për kënaqesinë e mënyrës së tij të trajtuarit të gjërave”. Ai e përshkruan artikullin si të një shkrimi tipik të thartë,
duke shtuar se: “Njërëzit e shohin Gillin për atë cka është, por problemi
është se shumë shqiptarë mendojnë se ai ka qënë i padrejtë me vendin e tyre, ndërkohë që anët negative egzistojnë, janë aty”.
Për Gill kjo nuk është hera e parë, që një shkrim i tillë ngjall
kundershti. Në vitin 1997 ai u padit në polici për nxitje të urrejtjes
racore, pasi I kishte cilesuar banorët e Uellsit si “të shemtuar dhe hundë shtypur”. Dy vjet më vonë ai u kritikua sërisht për një artikull të
titulluar “Hundforgiven”, në të cilën ai fliste për urrejtjen e tij ndaj
gjermanëve.

Marrë nga gazeta britanike online: “pressgazette”